Akele us bheer me ajnabi ka milna acha laga
Auron se chhup kar unka hume dekhna acha laga
Aayi wo humari ore kuch kehne ke liye
Aur kehte-kehte unka yun kho jana acha laga
Baat kuch khaas thi nai phir bhi unka, achanak
Ungliyon ko hothon pe rakh kar rokna acha laga
Khoob bhaya chaaye me wo shakkar milana
Aur phir muskurakar ‘Shukriya’ kehna acha laga
Main us rooh ko bura kaise kahun ae Khuda
Jab-jab nazaren mili unse, unka sharmana acha laga
Dil ne sonch liya tha bhula denge us ajnabi ko
Par unko dekha to iraada torna acha laga
Dil ne soncha shayad ye aankhiri mulakat ho, par
Jate-jate unka dubara milne ka wada karna acha laga
No comments:
Post a Comment